Жетируов Жанабек
Тәуелсіз «Тарлан» сыйлығына ұсынылған
шығармаларды зерделеу және іріктеу комиссиясына ұсыныс
Шәкен Айманов атындағы «Қазақфильм» АҚ-ның президенті Қашағанова А.Е.

Жетіруов Жаңабек отыздан астам деректі фильмдердің авторы және режиссері. Оның әр жылдары түсірген фильмдері тақырыптық байлығымен ерекшеленеді. Ол қазақ халқының тарихында орын алған елеулі құбылыстармен қатар оған қозғаушы күш болған ұлы тұлғалар туралы фильмдер түсірді, олардың экрандық образын жасады. Тәуелсіз Қазақстанның тарихымен бірге басталған шығармашылығы сол уақыттың екпіні мен көңіл күйін тап басып көрсете білді.

Абай, Махамбет, Жәңгір, Исатай, Кенесары, Жамбыл, Ілияс, Маман би сияқты тарихи тұлғалардың қоғамдық қызметіне қазіргі уақыт тұрғысынан баға беріп, өз замандастарымыздың да көркемдік образдарын жасады. Еліміздің саяси өмірінде болып жатқан қоғамдық оқиғалар да оның творчествосынан тыс қалған жоқ. Жаңа парламент, қоғамдық ұйымдар мен саяси қозғалыстар, ұлтаралық байланыстар, президент және Астана туралы фильмдері орталық телеарналардан көрсетілді. 2004 ж. Республикалық «Астана Байтерек» конкурсында деректі фильм саласында берілген Бас жүлде оның сол уақытқа дейін түсірген фильмдеріне берілген зор баға.

Ж.Жетіруовтың 2006 ж. жарыққа шыққан «Дүниежарық» (Записки путевого обходчика) атты толық метражды фильмі әлемнің он алты елінде болып, қазақ елінің мәртебесін котерді. Қазақ халқының дүниеге деген көзқарасын жаңа бір биіктен танытып, оның рухани болмысының бай екенін көрсете білген фильм дүние жүзінде үлкен табысқа ие болды. Халқымыздың өмірі мен тұрмысын көркемдік образдар арқылы көрсете білген фильм өзінің құндылығын ешуақытта жоғалпайды. Сондықтан елімізді ардақтап, халқымызды мадақтап түсірген бұл туындылардың авторы Ж.Жетіруов тәуелсіз «Тарлан» сыйлығына лайықты адам деп есептейміз.

Президент Қашағанова А.Е.
0001409