Пірінбеков Марат Үсенұлы. Сәлем, аула сыпырушылар!// «Новое поколение» республикалық қоғамдық-саяси газеті.

Сірә, шолу жасалған уақыт кеңістігіндегі алғаш рет кастинг және сурет сессиясының кейіпкерлері Алматының аула сыпырушылары болды! Сондай-ақ мұғалімдер, әлеуметтік жұмыскерлер, ҰОС ардагерлері, зейнеткерлер де бар.    

Енді Алматы қаласы Алмалы ауданының қарапайым тұрғындарының суреттері Пірінбеков Марат Үсенұлы. Сәлем, аула сыпырушылар!// «Новое поколение» республикалық қоғамдық-саяси газеті «Столичный» супермаркетінің алдыңғы аймағында орналасқан әлеуметтік жарнама Галереясына бір ай мерзімге орналастырылды. Жылтыр емес кәсіптің өкілдері – азаматтар «Адам – мемлекеттің басты құндылығы» атты жоба аясында өткен «Біз алмалылықтармыз» байқауының қатысушылары болды. Байқаудың идеясы мемлекет Президентінің «Жаңа онжылдық – жаңа экономикалық өркендеу – Қазақстанның жаңа мүмкіндіктері» деген Жолдауынан алынған сөйлемдерден туындады.

Қазақстан Жастар медиаодағы, «Колесо» идеялар үйі, Алматы қаласының Азаматтық альянсы өткізген бүтін бір жоба пайда болды. «Дастархан» ЖШС, Қазақстан Републикасы Мәдениет министрлігінің қолдауымен Алматы кәсіподақтар одағы, Алматы қаласы Алмалы ауданы әкімдігі, Қазақстан Азаматтық альянсы.

Ұйымдастырушылар кастинг жариялап, байқаудың кейіпкерлерін – ауданның әлеуметтік және қоғамдық дамуына салмақты үлес қосатын, қоғам үшін пайдалы әрі қажетті істерді жүзеге асыратын адамдарды іздей бастады. Кәсібі жағынан үздік, үлгілі-көрсеткішті аулаларды және ПМК-ларды, тұрғындардың жұмсаған күштерімен тазаланған әрі жабдықталған подъездерді іздестірді. Сондай-ақ, «Қызықты бастама» және «Тірі аңыз» тәрізді аталымдар жарияланды. Екінші аталым бойынша Алматының атақты азаматтары іздестірілді.  

Алмалы ауданының тұрғындары аталған ерекше байқауға қызығушылық танытты, 50-ден астам өтініш қабылданған, оның ішінде жеті аула сыпырушының немесе қазіргі атаумен айтқанда, қаланы санитарлық тазалау жөніндегі жұмыскерлердің өтініші бар. 

Байқау комиссиясы 20-дан астам маңызды жобаларды таңдады, олардың авторлары әлеуметтік жарнама Галереясындағы жаңа экспозициялардың кейіпкерлеріне айналды. Бір ай бойы үздік аула сыпырушыларды, мұғалімдерді, ПМК басшыларын, жұмыскер кәсіптерінің өкілдерін, атақты азаматтарды тамашалауға болатын еді. 

Шәкен Ниязбеков – тірі аңыз. Осы кісінің эскиздері бойынша Қазақстан Республикасының мемлекеттік жалауы салынған болатын.  

Марат Пірінбеков, Алматы қаласы Алмалы ауданының әкімі:

- «Біз алмалылықтармыз» атты жобаны ойластырып жатқанда, алғашқы кезекте, біздің қоғамымызды алаңдататын мәселелерді ойладық. Қазақстанның, оның азаматтарының жаңа бейнесін іздеу және қалыптастыру – бүгінгі күннің міндеті. Сондықтан да әлеуметтік жарнама және әлеуметтік ҚР қазіргі қоғам гуманизмінің және оның нағыз адамгершіліктік құндылықтарын қалыптастырудың маңызды құралы болып табылады. «Столичный» супермаркетінің алдыңғы жағындағы әлеуметтік жарнама Галереясы – бұл ерекше құрмет тақтасы. Осы жобалар арқылы әр отбасының, барша мемлекеттің алдында ашылатын жаңа мүмкіндіктер туралы айтқымыз келеді, халықты мемлекет игілігі үшін белсенді әрі жемісті жұмыс істеуге, тәуелсіз, дамыған, саяси тұрақты Қазақстанды қалыптастыру тәрізді өз міндетімізді орындау үшін бірігуге шақырамыз.

Адиля Мансуровы-Айсарова, Аймақтық диагностикалық орталықтың цитоморфология бөлімінің меңгерушісі, денсаулық сақтау озаты, 40-жылдық өтілі бар цитолог ғалым.

Светлана Галиева, Қазақстан Жастар медиаодағының директоры:

- Қоғамның назарын еңбек ұжымдарындағы мәселелерге аудартқым келеді. Біз сәнге және жылтыраққа қарама-қайшы жұмыскер адамның жағымды бейнесін қалыптастыруға, өзіміздің арамыздан қазіргі заманның қаһарманын табуға, жұмыскер, қолынан іс келетін адамның бейнесін көрсетуге ұмтылдық. Байқауымыздың ұраны: «Біз бәріміз қазақстандықпыз – бір топпыз!». Атақты артистер, әншілер, ғалымдар ғана емес, сондай-ақ атақты аула сыпырушылар да, әлеуметтік жұмыскерлер де, зейнеткерлер де бар. Әдетте, бұндай адамдар қоғамның назарынан тыс қалып жатады. Бірақ, олардың көбі – біздің заманымыздың нағыз қаһармандары. 

Алма Игілікова №79 гимназияда ағылшын тілінен сабақ беріп қана қоймай, оқушыларына барша әлем жаңалығын ашады!   

Александр Петрович

«Біз алмалылықтармыз» байқауына қатысушылардың бірі – Жамбыл мен Шевченко көшелерінің арасындағы Желтоқсан көшесінде орналасқан бір үйдің тұрғыны Александр Петрович Коваленко. Зейнеткер бір кездері тас жол тәрізді қатты, топырағы түссіз қарапайым тас кеңістікті аулаға айналдырған.   

Александр Петровичтің гүлзарымен айналысқанына бес жыл болыпты. Алғашында, оның қызметін көршілер мақұлдамаған екен, керісінше, адамдар ауласында Петрович деп атап кеткен бұл зейнеткерге мүлдем қарсы болғандығын айта кету керек. Бұл адам әдеттегі заттардың барысын бұзған. Оны іштерінен «ботаник» деп атап, қасынан өтіп бара жатқанда теріс қарап өткен екен. «Ботаникті» ренжіту үшін күтілген, шөптер мен гүлдер егілген бақшасына қалдығы бар пакеттерді лақтырған ...

Софья Слисенко, № 24 лицейдегі математика пәнінің мұғалімі, халықтық білім беру  озаты.

Петрович негізгі жер телімінің өзін тоғыз ай қазды: бір күнде ломмен жарты квадрат метр жерді қазып отырған.  
-    Ол жер түгелімен тас болатын. Бір ай жұмыс істеп, содан кейін теміршілерге барамын, олар маған ломымды жөндеп береді. Қайта келіп, қазуды жалғастырамын. Өте ауыр болды.  

Бірінші жылы Петрович тасты қолмен қазды. Шыдамдылық танытты. Тастарды төрт жүк көлігімен төкті. Жүк көлігінің жүргізушісіне бір рейсі үшін зейнетақысынан 6 мың теңге төледі. Ал екінші жер теліміне зейнеткердің әлі қалмады. Александр Петрович «Беларусь» экскаваторын жалдады.

«Беларустің» жүргізушісін шақырады, аумақты көрген жүргізуші 45 мың деген соманы айтады.
-    Ақшаны аула тұрғындарынан, өзім подъездегі ауқаттылардан, автокөліктері барлардан бес мың теңгеден, зейнеткерлерден 500 теңгеден жинадым. Экскаваторды алып келдім, екі жарым күннің ішінде ол ауладағы аумақты қопарды, 75 сантиметр топырақты қазды. Біз тастарды таңдап, орналастырып, шөп отырғыздық.  

Петрович ауланы күн сайын суғарып тұрды. Шөп шығу үшін төрт рет шапқанға дейін, ол алдымен аумақты қоршап, ешкімді жібермеді. Зейнеткер-реформатордың шөп машинасы да бар, оны 13,5 мың теңгеге сатып алған. Әр зейнетақысынан ауласын жабдықтау үшін міндетті түрде бір нәрсе сатып алады. Шөпті төрт рет шапқаннан кейін Петрович қоршауларды бірден алып тастап, балаларды жасыл кілемнің үстіне ойнауға жіберді.   

Виктор Пеньков, «Қарағай» АҚ №3 станоктық цехтің бригадирі, еңбек өтілі 40 жылдан астам.    

Александр Петровичтің білімі - инженер-металлург, 24 жыл бойы энергетика саласында, оның ішінде 15 жыл бойы осы Алматыда басқарма бастығы болып қызмет етті.  

Каспий теңізінен Қостанайға дейін бес республикада жылу станцияларында, гидростанцияларда жұмыс істеді. Ресейдің атом станцияларына да жұмысқа тартылған.   
-    Ай сайын менің іссапарымда 400-450 шақты адам болатын. Біз металл құрылымдарды қышқылдардан, сілтілерден және бейтарап ортадан қорғаумен айналысатынбыз. Жұмысымыз өте қызықты болатын. 11 жыл Екібастұзда еңбек еттім. Ай сайын он бес-жиырма күн еңбек ететінмін. Қазір Александр Петрович бар ынтасымен жеке ауласындағы істермен шұғылдануда.   

-    Біле білсеңіздер, өзімді жақсы сезіне бастадым, өмірге деген құштарлық пайда болды.  

Александр Петрович Коваленконың арқасында Желтоқсан көшесінің бойындағы 137-үйдің ауласы ғажайып баққа ұқсайды.

Александр Петрович Коваленко – ауламыздың сүйіктісі. Ол кісінің арқасында қаламыздың бұрышы гүлденді. Үш жыл бұрынғы тас пен құрғақ қажетсіз топырақтың орнында қазір жасыл кілем, шыршалар, қарағайлар, гүлдер... Аула үй тұрғындарының, аулаға келушілердің жандарын жадыратады. Адамдар аула ішіндегі жасыл гүлзардың бойымен кетіп бара жатып, тоқтай қалып, сұлулыққа тамсанып, таза ауа жұтып біраз тұрып қалады.   

- Шөп, ағаш, гүл еккен жердің ауасы да өзгеретіндігін білесіздер. Бұл жерге отырғызылғанның барлығы тіршілік етіп, тыныс алады. Жаз мерзімінде үйде, пәтерде қапырық болса, аулада салқындық, сергітерлік ауа байқалады. Біздің және көрші ауланың әйелдері мен балалары біздің аулаға жиналатын болды. Әрине, бәрі де адамның қолымен жасалған дүние. Табиғатқа, туған қалаға шын көңілмен қараңыздар. Қол ұшын тигізсеңіз болды, бәрі де орындалады.   

Кузьма Иосифович Минич, жасы – 105-те, тамаша ғұмыр кешкен тамаша адам  

Біздің заманымыздың қаһарманы

Александр Петровичті біздің заманымыздың қаһарманы деп атуға болады. Зейнеттегі адам рақатқа батып, демалуына болатын еді, ал ол аулаға бар ынтасымен, құштарлығымен, риясыз  күтім жасайды.  

«Біз алмалылықтармыз» байқауының номинанты Александр Коваленкоға Алмалы ауданы әкімдігінің өкілдері Алмалы ауданы әкімінің алғысхатын тапсырды, сондай-ақ ол әртүрлі өсімдіктердің ұрықтары мен көшеттерін алады, бұған Петрович әрине, өте қуанышты. Сонымен қатар, оның суреті «Столичный» супермеркетінің алдыңғы аймағындағы әлеуметтік жарнама Галереясында бейнеленіп тұр.   

«Біз алмалылықтармыз» байқауының қатысушылары, салмақты, жылтыр емес кәсіптің өкілдері, біздің заманымыздың қаһармандары туралы газетіміздің беттерінде әңгімелейтін боламыз.    

Рахима Кочкарова, Людмила Пирог, Виолетта Акинфиева – Алмалы ауданының өмірге құштар тұрғындары. Осы кісілердің арқасында Шагабудтин көшесінің бойындағы аула Алматының үздік ауласы деп танылған.  

Торымхан Тағаева және Әсемхан Дәуренбаева, Алмалы ауданы Мүгедектерді оңалту және бейімдеу орталығының әлеуметтік жұмыскерлері. Жүздерінен әрдайым күлкі кетпейтін, көңіл-күйлері көтеріңкі жандар.  

Текст: Галя Галкина

Пірінбеков Марат Үсенұлы. Сәлем, аула сыпырушылар!// «Новое поколение» республикалық қоғамдық-саяси газеті.