Пірінбеков Марат Үсенұлы. Алматыда Алмалы ауданының әкімі халық алдында есеп берді.// 29.01.2010.

АЛМАТЫ. 19 қаңтар. ҚАЗАҚПАРАТ /Дәурен Жайлин/ – Өткен кезеңде ауданда 2 410 жұмыс орны құрылды, бұл жылдық жоспардың 101,4%-ын құрайды. Бұл туралы бүгін Алматыда Алмалы ауданының әкімі Марат Пірінбеков өзінің кезекті халықпен кездесуінде айтты деп мәлімдеді Қазақпарат корреспонденті.  

Алмалы ауданындағы өнеркәсіптік кәсіпорын және шағын бизнес жұмыстарының тұрақтылығы бюджетке түсетін салық түсімдерінің деңгейіне жақсы әсер етті деп атап өтті М.Пірінбеков.

2008 жылы бюджетке 147,2 млрд. теңге сома көлемінде салық түскен, бұл болжамды көрсеткіштердің орындалуының 105,6 пайызын құрайды. Оның ішінде республикалық бюджетке  112,5 млрд. теңге, жергілікті бюджетке – 34,7 млрд. теңге түсті. Қолданыстағы ақшамен санағандағы өндіріс көлемі 51,3 млрд. теңгені құрайды, бұл өткен жылдың тиісті кезеңіне 83,3 % сәйкестікті құрайды. Ауданның 60%-қа жуық орта және ірі кәсіпорындарындағы өндіріс айтарлықтай жоғары. 

Өткен жылы ірі және орта инвесторлардың барлық қаржыландыру көздерінің есебінен барлық Алмалы ауданы бойынша 30,86 млрд. теңге инвестицияны негізгі капитал иеленді. Өткен жылмен салыстырғанда бұл сан 78,9 %-ға артқан. 

Бүгінгі таңда, ауданда өнеркәсіптік салада әрекет ететін 446 кәсіпорын тіркелген, оның ішінде 37-сі ірі және орта кәсіпорындар. Ірі және орта кәсіпорындардағы жұмыскерлер саны 9 200 адамды құрайды. Орташа айлық жалақы 88 744 теңгені немесе өткен жылдың тиісті кезеңімен салыстырғанда 115,6 %-ды құрайды.  

Әкімнің сөзі бойынша, 2008 жыл ішінде ауданда халықты еңбекпен қамтудың белсенді саясаты жүргізілді. Мұқтаж азаматтарға қоғамдық және ауданды жабдықтау бойынша жұмыстарды орындау үшін уақытша еңбекпен қамтуға көмек көрсетілді. Оқу және жұмыс орындарының бос орын жәрмеңкесін ұйымдастыруы да көмегін тигізді. Барлығы 560 адам жұмысқа қамтылды, 65 адам әлеуметтік жұмыс орындарымен, мақсатты топтар бойынша 100 адам жұмыспен қамтылды. Қоғамдық жұмыстарға 571 адам қатысты. Қазіргі таңда, халықтың жұмыспен қамтылуын, жұмыссыздық деңгейінің төмендеуін қамтамасыз ету көзделген халықты жұмыспен қамту бағдарламасының жүзеге асуы жалғасуда.