Пірінбеков Марат Үсенұлы. Дағдарыстан алып шығатын кілт// Вечерний Алматы. №34, сенбі. 21 наурыз, 2009.
Алмалы ауданында идеологиялық белсенділердің жиналысы болып өтті, онда жылдың ең негізгі құжаттарының бірі – елбасы Нұрсұлтан Әбішұлы Назарбаевтың «Дағдарыстан жаңаруға және дамуға» атты Қазақстан халқына жолдауы талқыланды.
Кездесуге өнеркәсіптік кәсіпорындардың, шағын және орта бизнестің, денсаулық сақтау, білім беру және мәдениет саласының өкілдері, ППМК жетекшілері, соғыс ардагерлері қатысты.
Жолдаудың басты бағыттарын саралау мақсатында жиналғандардың алдында ҚР ҰҒА Философия институтының директоры, академик Әбдімәлік Нысанбаев, «Нұр Отан» ХДП-ның аудандық филиалының төраға орынбасары Александр Братенков сөз сөйледі.
Барша әлем үшін осы бір күрделі кезеңде елбасының отандастарға үндеуі жаһандық экономикалық дағдарысқа қарсы тұрудың өзекті және заманауи мақсатын айқындайды деп атап өтті сөз сөйлегендер.
Президент Қазақстан халқын одан ары дамуға, мемлекеттің дағдарыстан кейінгі дамуын қамтамасыз ету үшін экономиканы одан ары дамытудың жаңа жоспарын жүзеге асыруға шақырды.
Алмалы ауданы әкімінің орынбасарлары Надежда Яковлева мен Манапхан Қансейітов халықтың әлсіз тобына қолдау көрсету бойынша орындалған шараларды, мекенжайлық көмек көрсету, жұмыс орындарымен қамтамасыз ету туралы айтып өтті. Аудандағы осы және басқа да міндеттер жеке дағдарысқа қарсы бағдарлама аясында жүйелі түрде шешімін табуда.
Алмалы ауданы әкімінің жиналысын қорытындылай келе, Пірінбеков Марат елбасы Жолдауын қоштау ретінде ауданда дағдарысқа қарсы шаралар жобасының өткізіліп жатқандығын атап өтті. Әңгіме нақты іс жөнінде болып отыр.
Мемлекеттік сатып алу, шамамен екі есеге артқан. Аудандық үкімет осы шара арқылы шаруашылық субъектілерінің барынша көп бөлігіне ақша тауып, ұжымдарын жұмыспен қамтамасыз етуге ұмтылуда. Алайда ол кәсіпкерлердің тендер қызметін сатып алудың заманауи электрондық нысанын әлсіз меңгеріп жатқандығына, ал бұнда жергілікті бизнестің әлі келетін ауқымды қызмет көлемінің бар екендігін айтып, өкінішін білдірді. Біздің кәсіпкерлеріміздің бейқамдылығынан, бұның бәрін басқа аудандардың өкілдері жаулап алуда.
- Кез келген жағдайда Алмалы ауданына тіркелген кәсіпорындарға басымдылық беріледі дегім келмейді, - деп атап өтті Марат Пірінбеков. – Неліктен екендігін де айтайын. Аудан әкімі ретінде тендер жобасын жүзеге асыру үшін бөлінетін бюджет қаражаты жергілікті бюджетке, оның ішінде ауданға да қайтарылуы қажет де есптеймін.
Аула сыпырушыларының жұмысы ауыз толтырып айтарлықтай емес. Олардың саны көбейтілген, бірақ жеткіліксіз, екі есе көп адам керек. Сондықтан да ауданның санитарлық жағдайы қазірше қанағаттанарлықтай емес.
ПМК-ның санитарлық қызметінің, құқық қорғау органдарының мораторий жариялауларына кеңес бермеймін, – деді Пірінбеков. – Бұл мәселеде мораторий болмайды. Тазалық пен тәртіп аумаққа тиістілігіне байланыссыз барлық жерде болу керек.
Құрылыс секторында қалыптасқан жұмыссыздық жағдайы көрсеткіштерден айтарлықтай көзге басылмады. Алмалы ауданының бұл саласындағы жұмыскерлердің негізгі бөлігін басқа мемлекеттің, сондай-ақ таяу шетелдің тұрғындары құрайды.
Жыл басынан бері жұмыссыз ретінде 320 адам тіркелді, олардың 120-сы қазір жұмыспен қамтылған. Еңбекке қабілетті азаматтардың көп бөлігіне осындай қиын-қыстау кезеңді басынан кешіру үшін жабдықтау саласындағы жұмыс орындарын кеңейту бойынша жоба бар.
- «Алтын ғасырдың» өтіп кеткендігін түсіну керек, - деді Пірінбеков. – Өткенге қайта орала алмаймыз. Баршамыз да жаңа жағдайда жаңа жұмысқа қайта құрылымдауымыз, ден қоюымыз керек. Ғажайыпты күтудің қажеті жоқ, бірлесе отырып, барлық бағытта жұмыс істеу керектігі Жолдауда айқын айтылған. Залда отырған барлықтарыңыз адамдармен кездесесіздер, еңбек ұжымдарыңызда түсіндіру жұмыстарын жүргізіп, ауданның әрбір тұрғынына Жолдаудың негізгі басымдылықтарының мәнін, оны орындаудың тетіктерін оңай жеткізуге тиіссіздер.
Мәтінді дайындаған: Батима Реунова
Сканерден өткізілген нұсқасы
Пірінбеков Марат Үсенұлы. Дағдарыстан алып шығатын кілт// Вечерний Алматы. №34, сенбі. 21 наурыз, 2009.
