Пірінбеков Марат Үсенұлы. Астанаға жіберілген балалар сыйлықтары// 17.07.2008

Алмалы ауданының басшысы  «Таңсәрі» балалар  мюзикл-шоу-театрының қыз-жігіттерімен және астананың мерейтойына арналған шараларда өнер көрсеткен №1 балалар үйінің тәрбиеленушілерімен кездесті. 

2008 жылдың қаңтар айында «Таңсәрі» театры №1 балалар үйінен он баланы тегін оқытуға алды, олар негізгі ұжыммен бірге Астанаға барып, мерекелік концерттің ашылуына қатысты. Театрландырылған көрініс ел президенті Нұрсұлтан Назарбаевтың туылған күніне арналған болатын.   

Елбасы әйелімен, қызы Дариғамен және немерелерімен бірге концертке қатысып, Нұрсұлтан Әбішұлының жас жылдары туралы көркем кадрлар бейнеленіп, «Весна на Заречной улице» атты фильмнен алынған оның сүйікті әнін орындаған жас артистердің көрсеткен өнерлеріне сүйсінді.  

Алмалы ауданының әкімі Марат Пірінбеков былай деді:

- Бүгінгі таңда, жас ұрпақ Қазақстанның дамуына және оны әлемнің дамыған 50 мемлекетінің қатарына енгізу үшін зор үлес қосуда.  Астана мерейтойын мерекелеу барша әлемдік бірлестіктерге қазақстан халқының ілгері дамығандығын және күш-қуатын көрсетті. Театр ұжымының балалар үйінен балаларды оқытуға алғандығы кез келген лайықты марапатқа ие.  Осы тәрізді істер балаларды азаматтық парыз дегеннің не екендігіне тәрбиелейді. «Таңсәрі» театрының көрсеткен үлгісінің негізінде «Қазақстан балалары – Ресей соғыс ардагерлеріне», «Қазақстан балалары – Шри-Шланка балаларына», Беслан балаларына арналған қайырымдылық концерттер және тағы да басқа маңызды мемлекеттік жобалардың жүзеге асырылып жатқанын көреміз.   

«Таңсәрі» БМШТ директоры Дина Смайылованың айтуы бойынша, жұмыс істеген жылдар бойы театр 15 гастрольдік тур жасап, 5 клип түсіріп, 100-ден астам қайырымдылық акциялар өткізіп, 5 музыкалды қойылым қойып үлгеріпті. Театрдың орындалуға дайындалып жатқан жаңа жобалары көп. Сонымен қатар тәрбиеленушілерге әрдайым Алмалы ауданының әкімі көмек көрсетіп келеді.

Мюзикл-шоу ұжымының қыз-жігіттері астанадағы мерекеден және Қазақстан Президенті Нұрсұлтан Назарбаевпен болған кездесуден алған әсерлерімен бөлісті.

«Таңсәрі»  театрының досьесінен алынған

Келесі жылдың қаңтар айында балалар театрының ұжымы өздерінің шағын мерейтойы – 5 жылдықтарын атап өтпек. Осы жылдар ішінде театр Алматыда ғана емес, республикалық «Балалық шақ – бал дәурен» байқауында және республикалық «Өрлеу» байқауында «2007 жылғы Қазақстанның үздік шығармашылық ұжымы» деген атаққа ие болып, барша мемлекетке танымал болды.    

Текст: Оксана Бондаренко