Пірінбеков Марат Үсенұлы. Балаларға арналған экскурсия. «Алматы» телеарнасы.

Диктор: Кереметтің бәрі балалар үшін! Алматы шенеуніктері соңғы кездері сәбилерге жиі назар аудара бастады. Мүмкіндігі мол экскурсияны ұйымдастыру соның бір мысалы. Әкімдік қызметкерлерінің жақсылық нұрын шашып, мәңгілік естелік қалдырғандығы жөнінде Анвар Шалитенов баяндап береді.

Корреспондент:

-100 бала, 2 автобус және 3 сағаттық экскурсия. Бұл демалысты ұйымдастырып жүрген Алмалы әкімдігінің шенеуніктері. Аз қамтамасыз етілген алматылық балалар, мүгедек балалар мен күрделі жеткіншектер ғана қалаға саяхат жасау мүмкіндігіне ие болды.

Серік Атабаев, Алмалы аданы әкімі аппаратының басшысы:

- Бұл саяхаттың мақсаты – рухани адамгершілік, эстетикалық, саяси тәрбие, сондай-ақ балалар үшін демалыс ұйымдастыру. Бұл Алмалы ауданында дәстүрге айналған.

Корреспондент:

- 38 жастағы Маргарита Фазлиева 7 баланың анасы. Ең үлкені 19 жаста, кенжесі небәрі 2-де. Бүгінгі экскурсияға Маргарита 3 балапанымен келді.

Маргарита Фазлиева: - Мен бүгін Виалета, Богдана және сіңілім Анеляны өзіммен бірге алып келдім. Бұндай экскурсиялар расында да қажет, яғни, әлеуметтік жағынан аз қамтылған балалар қоғамынан басқа мүгедектер қоғамы да бар. Бұндай балалардың бір-бірімен қарым-қатынас жасауы үшін осы тектес экскурсиялар аса қажет

Корреспондент:

-Алмалы әкімдігінің балаларға арналған бір күндік демалысын ұйымдастыруға турфирма көмектесті, кәсіби гид бөліп берді, алматылық балалар туған қалаларының тарихымен танысып, тарихи ескерткіштерді көрді.

Балалар:

-Маған бәрі ұнады.

-Экскурсия маған өте қатты ұнады, барлық ескерткіштерді, көшелерді толығымен сипаттап берді.

Корреспондент:

- Аудан шенеуніктерінің айтуынша, бұл балаларға арнап ұйымдастырылған бірінші және соңғы акция емес. Алмалы әкімдігі үкіметінің осы жазда тағы не ойлап табатындығын уақыт пен біздің телеарнамыз көрсетеді.

Анвар Шалитенов, Нұржан Оразбеков «Алматы» телеарнасы.