Баһаргүл Төлегенқызы. Баһаргүлден бай адам жоқ.// Егемен Қазақстан. 21.02.2009

Бүгінде Баһаргүл  Төлегенкызының колында мыңға тарта көне жәдігер бар. Жылдар өткен сайын бағасы өсе беретін зергерлік және тұрмыстық бұйымдарды жинауға Баһаргүл Бейжін мемлекеттік университетінде оқып жүргенде-ақ әуестенген екен. Бастаған ісіне ыждағаттылықпен кіріскен қандасымыздың коллекциясын сонау XII ғасырдан бастап бүгінгі күнге дейінгі ғажайып зергерлік және қолөнер бұйымдары толықтырумен келеді.

Апта басында Алматыда Мәдениет және ақпарат министрлігінің Дүниежүзі қазақтары қауымдастығының қолдауымен Баһаргүл Төлегенқызының "Жүрегімде-Отаным" атты этно-жәдігерлер көрмесі тұсауын кесті.

-Қытайдың Шәуешек қаласында дүниеге келген Баһаргүлдің бұл іспен айналыса бастағанына 15 жылдай уақыт өтіпті. 1994 жылы атажұртқа оралған қазақ қызы ежелгі қолданбалы өнерді дендеп зерттеп, жинастыруға бел буыпты.

Бұрын Беижіңде оқып жүргенде Қытай императорларының сарайларын көп аралап, онда жинақталған көне бұйымдарды, жәдігерлерді тамашалап, тәнті болатын едім. Осыдан кейін қоладан құйылған мүсіндерге қызығып, қолыма түскенін жинастырып жүрдім. Елге оралған соң "Неге өз ұлтымыздың шашырап жатқан байлығын жинастырмасқа?!" деген ой келді, - дейді Баһаргүл.

Алматыдағы Ә.Қастеев атындағы өнер мұражайындағы Баһаргүлдің көрмесіне сырмақ, түкті кілем, тақыр кілем, төсек жапқыш, кебеже, сандықтар, күмістен соғылған зергерлік заттар, мыс самауырлар, қашалғанына ғасырлар өткен диірмен, келі-келсап, күміс жалатылған ыдыс-аяқ сияқты 800-ге тарта экспонаттар қойылған болса, оған өз коллекциясын толықтыру үшін талай рет Қытайдың, Тибеттің, Моңғолия мен Қазақстанның түкпір-түкпіріндегі ауылдарға дейін аралауға тура келген екен.

Баһаргүлдің байлығы жайлы сөз қозғап отырып, оның қазіргі шетелдік туристер мен қадірлі қонақгарға арнап шығарып жатқан кәдесыйларын аттап өту мүмкін емес. Тәуелсіздікгің елең-алаңында туризмді дамыту туралы мәселе котеріліп, елімізге ат басын бұрған шетелдіктерге ұсынатын қандай кәдесыйларымыз бар деп бас қатырғанымыз кеше ғана. Егер осы жоқтың орнын бүгінде іскер, икемді адамдар толықтырып жатса, олардың арасында Баһаргүл Төлегенқызының орны ерекше. Ол 2000 жылы "Әдемі-ай Plus " ЖШС-сін, 2002 жылы "Әдемі" өнер үйін ашты. Көне жәдігерлердің кадірін білетін қазақ қызы оларды жинастырып қана коймай, егемен еліміздің бай мәдениеті мен терең тарихын насихаттайтын, халқымызды ұлтжандылыққа тәрбиелейтін ұлттық кәдесый топтамаларын дүниеге өкеліп, патент негізінде шығаруды жолға койды. 2007 жылы қолында бар құндылықтарды көпшілікке кеңінен таныту мақсатында "Әдемі-ай" атты этнографиялық  мәдени-танымдық журналды дүниеге әкелді. Өткен жылы Баһаргүлдің тағы бір "Әдемі-ай" атты өнер үйі Астанада да ашылды. да аиіылды. Заманның іскер адамы деген осы болар. Жоқтан барды құрастырып, бардан байлық жасайтын Баһаргүлдің іскерлігіне тәнті болып, ақ батасын беріп жүрген ағайын аз емес.

Бүгінде Казақстанда немесе шет мемлекеттерде өтіп жүрген халықаралық зергерлік бұйымдар көрмесінен Баһаргүл жинастырып жүрген жәдігерлер жауһарын жазбай тануға болады.

Мәтіні: Айша Есали
Суреті: Нұрғиса Елебеков

Баһаргүл Төлегенқызы. Баһаргүлден бай адам жоқ.// Егемен Қазақстан. 21.02.2009