Құсман Шалабаев. Мәслихат депутаты «Алтын жүрек» сыйлығымен марапатталды.// Алматы ақшамы. №134 (4379) 02.11.2010

Өткен аптада Астанада елімізде ізгі істерімен көзге түскен жандарға арналған «Алтын жүрек» сыйлығы табыс етілді. Аталған сыйлық биыл төртінші мәрте өз иелерін тауып отыр. Қайырымды азаматтарды марапаттап, қолұшын берер кәсіпкерлердің қатарын көбейтуді мақсат тұтқан — «Бауыржан» қайырымдылық коры.

Атымтайлығымен көзге түсіп, аталған сыйлықты иеленгендердің қатарында Алматы қаласы Мәслихатының депутаты Құсман Шалабаев та бар. Сарапшылар кеңесінің қортындысы бойынша Құсман Кәрімұлына «Ардагерлерге көрсеткен құрметі үшін» аталымы бойынша «Алтын жүрек» сыйлығы табыс етілді.

Биыл Ұлы Жеңіске 65 жыл толу мерейтойы аталып өткенін еске алсақ, қаламыздағы соғыс және еңбек ардагерлерінің құрметіне орай ұйымдастырылған көптеген игі бастамалардың ортасында Құсман Шалабаев та жүрді. Депутаттың қарияларға қолдау көрсеткен іс-шараларының көпшілігінен оқырмамдарымыз хабардар. Әрине, қайырымды азаматтың шарапаты басқа да салаларда жетерлік. Алдағы уақытта да түрлі қайырымдылық жобаларды жүзеге асыратынына сенеміз.

Сондай-ақ, «Алтын жүрек» сыйлығын «Жетім балаларға көрсеткен қамқорлығы үшін» -«Перзент» отбасы типтес қайырымдылық балалар үйі» жекеменшік мекемесінің президенті Әмина Әжібаева, «Мүгедек жандарға көрсеткен қамқорлығы үшін» — «Джей Ти Ай Қазақстан» ЖШС, «Спортты дамытып, қолдағаны үшін» — «Богатырь Көмір» ЖШС, «Білімді дамытуға қосқан үлесі үшін» — ҚР Парламенті Мәжілісінің депутаты Нұртай Сабилянов, т.б. елге белгілі азаматтар мен кәсіпорындар йеленді.

«Алтын жүрек» сыйлығының ұйымдастыру алқасының төрайымы Жұлдыз Омарбекова алтын жүректі жандарды іздеу әрі қарай жалғасатынын айтады.

«Ақшам-ақпарат»

Құсман Шалабаев. Мәслихат депутаты «Алтын жүрек» сыйлығымен марапатталды.// Алматы ақшамы. №134 (4379) 02.11.2010

Сканерден өткізілген нұсқасы

Бет 1