Құсман Шалабаев. Шет ел түгілі, Түркістанға жете алмай жүрміз. // Алматы ақшамы №74 (3462) 02.07.2005

Құсман Кәрімұлы Шалабаев, Алмалы ауданы әкімінің өзін-өзі баскару мәселелері бойынша кеңесші-үйлестірушісі, қалалық Мәслихат депутаты:

Шет ел түгілі, Түркістанға жете алмай жүрміз

Дәл қазір, шынымды айтсам, демалысқа да, дем-алуға да уақыт таппай жүрмін. Өткен жылы әрең дегенде 10 күн демалғандай болдым. Биыл да сондай болатын шығар. Сол он күнге қолымыз жете қалса, биыл туған жерім Мақаншыға, одан соң көптен көкейімде жүрген Түркістан жаққа барып қайтсам деймін.

Шет елге бару қазір таң емес, екінің бірі барып жатыр дссек, артық болмас. Бірақ, сол сыртқа шығар алдында өзімізде барды таразылап  құндылықтарын бағалап көрсек, артық болмас еді.
Шүкір, Жаратушы қазақтың жерін көркемдіктен, әулие-қасиеттіліктен кем жаратпаған ғой. Еліміздің қай түкпіріне барсаңыз да жаныңызға қуат, дертіңізге шипа берер қасиетті жері де, демалатын орындары да жетерлік. Біз сол әлі “колда барда алтынның кадірі жоқтың” керін келтіріп жүрміз. Өзімізді өзгелермен салыстырғымыз келеді. Ал неге біз өзгеге еліктеуіміз керек осы? Өз дәстүріміз,  мәдениетіміз бар. Қазақтан қонақжай халық бар ма?! Осы қасиеттерімізді өзгелер сияқты пұлдап, жеке пайдамызға пайдалана алмай жүргеніміз ғана болмаса.

Меніңше, туризм, демалыс салалары Қазақстанда енді ғана өрістеп келеді. Келешекте ешкімнен кем болмаспыз.

Ал әзірге еңбек демалысы бұйырған жандарға тілерім — жақсы демалыс, көтеріңкі көңіл-күй.

Құсман Шалабаев. Шет ел түгілі, Түркістанға жете алмай жүрміз. // Алматы ақшамы №74 (3462) 02.07.2005

Сканерден өткізілген нұсқасы

Бет 1