БАҚ басылымдары -> Құсман Шалабаев. Жігіттің мәрттігі –жомарттық.// Алматы ақшамы. 21 қазан, №120(4058)
Құсман Шалабаев. Жігіттің мәрттігі –жомарттық.// Алматы ақшамы. 21 қазан, №120(4058)
Шаруасы дұрыс жолға қойылып, әлеуметтік жағдайы жақсарған кәсіпкерлер аз емес. Одардың ішінде көңілдері көлдей, дастархандары есік пен тердей жомарттары жетерлік. Сондай жарқын да жомарт жандардың бірі - Құсман Кәрімұлы Шалабаев.
Алматы қалалық Мәслихатының депутаты, Алмалы аудандық жергілікті өзін-өзі басқару комитетінің үйлестірушісі.
Құсман депутат ретінде өзіне қарасты Алмалы ауданында тұратын аз қамтамасыз етілген отбасы-ларына, мүгедек қарттарға, көпбалалы жанұялардың балаларына қаржылай көмектесіп, кейбір оқушыларға жылдық стипендия тағайындап тұрды. Мектеп спорт алаңдарын салдырып, көше бойларын көгалдандыруға көп күш жұмсады.
Әсіресе, жастайынан спортқа құмартып, өзі де спортпен айналысқан азамат спортқа көп көңіл бөлді. Ат спортының қалалық қоғамын құрды.
Спорт демекші, өзі туған Мақаншы, Үржар аудандарынан шыққан спортшыларға демеуші болып отырды. Мәселен, сол тойда болып, Бейжің олимпиадасына қатысып, қола жүлдені иеленген аудан түлегі Әсет Мәмбетовке:
Спортымның керегесі кеңейсін,Әсеттерді Антейлерге теңейсің.
Жауырыны жер иіскеп көрмеген
Қазағымның Қажымұқаны көбейсін
Қолдап елдің абыройы артуын,
Қорғап жүрген намысы мен ар туын,
Әсеттейін артық туған ініме
Осы тойда темір тұлпар тартуым.
Сендей ұлды берген елдін бағы бар,
Әлі талай шам-шырағың жағылар.
Көп атынан көрсетілген кұрмет деп,
Сыйлығымды шын жүректен қабыл ал,
- деп топ алдында шетелдік жеңіл автокөлігін сыйға тартты.
Бейжің олимпиадасына Үржар ауланынан үш бірдей азаматтың қатысқаны үлкен мақтанышпен атап өтілді.
Осының алдында Құсман Кәрімұлы Мақаншы ауданының орталығында Мақаншы ауылынын бір сыныпта оқыған түлектерінің мектеп бітіргендеріне 30 жыл толу тойын ұйымдастырып, ауылға кіреберіс жолға Қабанбай атындағы үлкен ескерткіш қақпа орнатқызды.
Қаржысын ел игілігі мен өнер жолына аямай жұмсап жүрген азаматқа айтарымыз алғыс қана.
Лайым ел ішінде осындай Атымтай азаматтар көбейе берсін демекпіз.
Құсман Шалабаев. Жігіттің мәрттігі –жомарттық.// Алматы ақшамы. 21 қазан, №120(4058)
Сканерден өткізілген нұсқасы
