«Alageum Electric» (Алагеум Электрик). Ең тамаша сыйлық – кітап. Электронды кітап.// Казахстанская правда. 03.12.2011 ж.
ҚР Ұлттық академиялық кітапханасында «Тарихи хроника: 20 жыл бейбітшілік, келісім және жасампаздық» атты инновациялық жобаның тұсаукесері болды, бұны мемлекетіміздің ең басты мерекесіне Alageum Electric (Алагеум Электрик) электр техникалық компаниясының ұжымы даярлады.
Оған Alageum Electric (Алагеум Электрик) электр монтаж басқармасының бас директоры Нұрмахан Әбдрахманов, Ұлттық академиялық кітапхананың бас директоры Жанна Шаймұханбетова, ҚР еңбек сіңірген өнер қайраткері, Мемлекеттік сыйлықтың лауреаты, театр сыншысы Әшірбек Сығай, «Кентау трансформатор зауыты» АҚ-тың дамыту жөніндегі директоры Нұржамал Тащанова қатысты.
Хроника екі нұсқамен берілген – көркем кітап басылымы және осы кітаптың сандық форматтағы түрі, сонымен қатар, флешка Тәуелсіздік монументінің қалпында безендірілген әрі таңдаулы сыйлық бола алады.
Егеменді мемлекет тарихының әр жылы шағын очерк ретінде көрініс тапқан, мұнда басты оқиғалар мен ұмытылмас даталар аталады, Елбасының қызметі бейнеленген мұрағат көріністері келтіріледі. Мәтін қазақ және орыс тілдерінде берілген.
Академик Төрегелді Шарманов, ғарышкер Талғат Мұсабаев, КСРО халық әртісі Асанәлі Әшімов, олимпиада чемпиондары – боксшы Бақыт Сарсекбаев, штангашы Илья Ильин тәрізді ең танымал қазақстандықтардың Республика тәуелсіздігі және оның Президенті туралы пікірлерінен тұратын арнайы бөлім бар...
Сондай-ақ құрастырушылар көрнекі фотосуреттердің көмегімен оқырмандардың назарын саммит, ОБСЕ, Азиада және соңғы жылдардың басқа да ең маңызды оқиғаларына аударады.
Суреттердің арасында компания қызметкерлері үшін естелік болып қалған Елбасының 2005 жылы Кентау трансформатор зауытына барған сапары бар. Бүгінгі таңда, бұл – электр техникалық құралдарды өндіру бойынша монополист кәсіпорын.
Жандилля Ильясов Alageum Electric (Алагеум Электрик) компаниялар тобының Жас мамандар клубын басқарады. Кітаптың электронды нұсқасын жасау осы жастардың үлесі. Тұсаукесер кезінде басылым бүкіл әлемнің пайдаланушыларына қолжетімді болатын Қазақстан ұлттық электронды кітапханасына салтанатты түрде берілді.
Текст: Елена Алексеева
Дереккөз: www.kazpravda.kz
«Alageum Electric» (Алагеум Электрик). Ең тамаша сыйлық – кітап. Электронды кітап.// Казахстанская правда. 03.12.2011 ж.
