«Alageum Electric» (Алагеум Электрик). Трансформатор отандық бренд ретінде.// Казахстанская правда. 03.09.2011 ж.

Жоғары дамыған отандық өндіріс – әлемнің 50 озат мемлекеттерінің құрамына ену кепілдігі. Сол себепті, мемлекет Президентінің бастамасы бойынша Индустриалды-инновациялық дамуды жылдамдату бағдарламасы қабылданды, оның аясында үнемі технологиялық ізденістер жүргізілуде, инновациялар енгізілуде және тиімді құралдар пайдаланылуда. Осындай мысалдардың бірі – электр техникалық саладағы мемлекеттің озат кәсіпорны – Alageum Electric (Алагеум Электрик) электр монтажды басқармасы.

Электр монтаж басқармасының құрамына Астанадағы «Alageum Engineering жобалық институты», «Кентау трансформатор зауыты» АҚ, «Алматы электр механикалық зауыты» ЖШС енеді. Мысалы, «Alageum Engineering жобалық институты» 10, 35, 110, 220, 500 кВ кернеулі энергетикалық объектілерді, инженер желілерін және блокты аралық станцияларды жобалаумен айналысады. «Кентау трансформатор зауыты» акционерлік қоғамы – 50 жылдық тарихы бар ерекше кәсіпорын. КТЗ – қала бюджетіне түсетін салықтардың ең көп үлесін қамтамасыз ететін қаланы құрайтын кәсіпорын. Зауыттың басты мақсаты – қуаты 25 000 кВА және кернеуі 10–35 кВ дейінгі күш беретін, майлы және құрғақ трансформаторларды, аралық станцияларды, төменгі және жоғары вольтті ұяшықтарды, Dupont фирмасының құймалы және құрғақ Nomex трансформаторларын және басқа да электр техникалық құралдарды өндіру болып табылады. Сонымен қатар, Кентау трансформаторлық зауыты кернеуі 35, 110 кВ, қуаттылығы 63 000 кВА дейінгі күш беретін трансформаторлардың толық тізбегін меңгерген. Біздің ОРУ, ЗРУ, ОПУ 35, 110 кВ блокты станцияларын өндіруде үлкен тәжірибеміз бар. Зауыттың мамандары КТПБ (К) 110-35/10 типтік аралық станциялардың толық жиынтығын даярлап шығарды. 2010 жылы Alageum Electric отандық бренді 110, 35 кВ кернеулі күш беретін трансформаторлармен жабдықталған ондаған блокты аралық станцияларды жобалап шығарды.

«Алматы электр механикалық зауыты» ЖШС шкаф құрылымдарына, аралық станцияларға, төменгі және жоғары вольтті ұяшықтарға маманданған. Алматыда орналасқан «Казтрансформатор» сауда үйі Alageum Electric (Алагеум Электрик) маркалы электр техникалық бұйымдарды жеткізумен және төменгі вольтті аппаратураларды сатумен айналысады. Мемлекеттің бірқатар облыс орталықтарында орналасқан Alageum Electric АҚ (Алагеум Электрик) филиалдары арнайы өндірістік базамен және 10, 35, 110, 220, 500 кВ кернеулі аралық станцияларды салуға қажетті техникамен жабдықталған.

Компания бүкіл республикаға сервистік қызмет көрсететін өкілдік ашуды жоспарлап отыр, осылайша ұзақ мерзімді әрі өзара тиімді іскери қарым-қатынас орнатпақшы. Бұл біздің клиенттерімізге электр техникалық құралдарға сервистік қызмет көрсетумен бірге «дайын» объектілерді жобалау, дайындау, жеткізу, монтаждау, қосу, сынақтан өткізу тәрізді маманданған қызметтердің толық жиынтығын алуға мүмкіндік береді. Ең маңыздысы, бұның бәрін бір ғана басқарма жүзеге асырмақ, электр монтаж жұмыстарының көптеген түрлерін орындаушы мердігерлерді іздеудің қажеті болмайды.

Егер бірде-бір ұйым, бірде-бір кәсіпорын электр энергиясыз бірде-бір қадам аттап баса алмайтындығын есепке алар болсақ, мемлекеттің индустриалды дамуына біздің компаниямыздың қосқан үлесі түсінікті болады. Біз ауқымды түрде ойлаймыз, бүгінгі таңда, дарынды жастарды таңдап, жоғары және орта арнайы оқу орындарына жібере отырып, Кентау мен Түркістан орта мектептерімен байланыс орнаттық. Алғашқы жас мамандар жоғары білім туралы дипломдарын алып, инженерлік және еңбек мамандықтарын меңгеріп, біздің кәсіпорындарымызға қайтып келді. Компания Алматы энергетика және байланыс университеті, Қ.Сәтбаев ат. Ұлттық техникалық университет, Қарағанды мемлекеттік техникалық университеті, А.Яссауи ат. Халықаралық қазақ-түрік университеті, М.Әуезов ат. Оңтүстік Қазақстан мемлекеттік университеті тәрізді жоғары оқу орындарымен тығыз ынтымақтастықта. Біздің студенттеріміз демалыс кезінде зауытымызға келеді, олар бұнда ақысы төленетін өндірістік тәжірибеден өтеді. Айлық жалақы 40 мың теңге көлемінде, бұл – ақша табудың және болашақ кәсіпті игерудің тамаша мүмкіндігі.

Біз жас отбасылар үшін ең маңызды – пәтер мәселесін шеше отырып, жас мамандарымыздың да қамын ойлаймыз. Соңғы екі жылда ғана қызметкерлеріміздің бұл категориясына 48 пәтер бөлінді. Әрине, жас мамандарымыз бұл пәтерлерді ақысыз алмайды. Тұрғын үйдің құны жеңілдік шарттарымен жалақыдан біртіндеп төленіп отырады, ал толығымен өтегеннен кейін пәтер жеке меншікке өтеді. Меніңше, ірі кәсіпорындардың көбі өздерінің жас мамандарына қолдау көрсетіп, осылайша кадр мәселесін шешу мүмкіндігіне ие.

Жастардың инженер мамандықтарын меңгеруге талпынуына қолдау көрсете отырып қана, болашаққа батыл әрі біздің ұрпағымыздың эстафетасын жастар ұстап қалатындығына сенімді қарауға болады. Бір кездері Кентау трансформатор зауыты Өзбекстан зауыттарының небәрі бір филиалы болатын. Тәуелсіздік алғалы бері көптеген қиындықтарды басынан кешірді. Бірақ жабылып, күйреп қалған жоқ, керісінше, шығаратын өнімінің түрін айтарлықтай кеңейтіп және тұтастай бір холдинг құруға негіз бола отырып, ірі дербес кәсіпорынға айналды.

Бүгінде, бұл жаңа технологияларды меңгерген және өз өнімін ішкі нарыққа ғана емес, сондай-ақ экспортқа шығаратын заманауи кәсіпорын. Біздің Alageum Electric (Алагеум Электрик) компаниямыз тәуелсіздік жылдарында қол жеткізген мемлекет өнеркәсібінің нәтижелі дамуының мысалы бола алады. Қуатты мемлекеттің қолдауынсыз осындай дамудың болуы екіталай болар еді.

Сайдолла Қожабаев, Alageum Electric (Алагеум Электрик) электр монтаждау басқармасы директорларының төрағасы, Оңтүстік Қазақстан облыстық мәслихатының депутаты.

Дереккөз: www.kazpravda.kz

«Alageum Electric» (Алагеум Электрик). Трансформатор отандық бренд ретінде.// Казахстанская правда. 03.09.2011 ж.