«Alageum electric» (Алагеум Электрик). «20 жыл бойғы бейбітшілік, келісім мен жасампаздықтың тарихи хроникасы» кітабының тұсаукесері.
Қазақстан Республикасы Ұлттық Кітапханасының бас директоры - Шаймұханбетова Жанна Кәкібайқызы:
- Бүгін бізде қарапайым жоспарлы емес, өте қызықты оқиға орын алып отыр. Бүгінде біздің кітапханамыз ерекше сыйлықты сыйға алайын деп отыр. Міне, қазір баршаларыңыз оны көріп отырсыздар. Бұл еліміздегі «Тәуелсіздік монументінің» жай ғана шағын көшірмесі емес, бұл – 20 жыл бойғы бейбітшілік, келісім мен жасампаздықтың тарихи хроникасы жазылған флэшка, былайша айтқанда, электронды кітап.
Бұл «Alageum electric» (Алагеум Электрик) электротехникалық компаниясының ұжымы жасаған ерекше жоба. Осы жерде осындай қызықты электронды кітапты жасаған аталмыш компанияның өкілдері бар және сіздер бүгін осы кітапты халыққа көрсетесіздер деген ойдамын, біз осы тәрізді кітаптың кітапханамызға тапсырылып жатқан сәтін асыға күтіп отырмыз. Ал біздің кітапханамызға түскен нәрсе, біздің оқырмандарымыздың қолына да тиеді. Яғни, сіздердің қолдарыңызға тиеді. Қазірше біз қызығушылық танытып отырмыз және міне, мынау флэшкада қандай қызықтардың бар екендігін асыға күтуде екенімізді айтқым келіп тұр. Рақмет.
Жанділлә Iлиясов:
- Иә, біз Сіздерге өз кітабымызды мынау проекторде міндетті түрде көрсетеміз, бірақ алдымен сіздерге аталмыш идеяның авторлары, біздің «Alageum electric» (Алагеум Электрик) кәсіпорнымыздағы «Жас мамандар» клубымыз туралы айтқым келіп отыр. Клуб кәсіпорнымыздағы жастардың әлеуметтік міндеттерін, жеке және кәсіби мәселелерін шешу үшін 300-ден астам жас мамандарды біріктірген. Бұл – кәсіпорын басшылығына жаңа инновациялық ұсыныстар жасау арқылы кәсіби даму. Бұл – әлеуметтік мәселелерді шешу, бұл – мүддені қолдау, бұл – жастардың пікірін кәсіпорын басшылығына жеткізу.
Бұл идея бізге қалай келді? Клубтың бір мәжілісінде біз биыл Қазақстан Республикасы тәуелсіздігінің 20-жылдығын мерекелейтініміз есімізге түсіп кетті де, өз үлесімізді қосқымыз келді. Сол мәжілісте біз заманауи технологияларды пайдалана отырып, «20-жылдық тәуелсіздік альманахын» жасауды ұйғардық. Бұл – 20 жылғы тәуелсіздіктің оқиғалар хроникасы. Кітап «20 жыл бойғы бейбітшілік, келісім мен жасампаздықтың тарихи хроникасы» деп аталады. Кітапта тәуелсіздіктің замандастары болып табылатын Қазақстандағы танымал адамдар бар, оның ішінде бүгінгі қонағымыз – Қазақстан Республикасының еңбек сіңірген қайраткері, мемлекеттік сыйлықтың лауреаты, тәуелсіз «Платина Тарланы» сыйлығының лауреаты, «Құрмет» мемлекеттік орденінің иегері, профессор Әшірбек Сығай мырза. Енді сіздерге кітабымыздың түрі қандай екендігін айтқым келіп отыр. Біріншіден, бұл, әрине, қағазға басып шығарылған басылым. Екіншіден, міне, мынадай flesh тасымалдаушыға салынған, міне, мынадай әдемі қорапшаға қапталған, оның ішінде кәсіпорын басшылығының алғысөзі, сондай-ақ жастар клубы бастығының алғысөзі жазылған. Ал флэшканың өзі қобыз кескінінде жасалған.
«Alageum electric» (Алагеум Электрик). «20 жыл бойғы бейбітшілік, келісім мен жасампаздықтың тарихи хроникасы» кітабының тұсаукесері.