Куцель Юрий. Қазақстандықтардың күтпеген табысы.//Рго. 2002 жылғы 23 сәуір.
Жуырда 16 қазақстандық спортшы Бельгиядан қуанышты хабар алып келді.
Осында Бельгияның су астында жүзу бойынша ашық чемпионаты өткен Льеж қаласында біздің суда жүзушілеріміз, №5 балалар мен жасөспірімдердің спорт мектебінің өкілдері бір емес, екі емес, бақандай 24 алтын наградаға ие болды.
Қазақстандық су астында жүзушілердің халықаралық жарыстардан жеңімпаз болып оралуына әдеттеніп қалғанымызға қарамастан, мұндай табыс тіптен олар үшін де күтпеген болып шықты. Чемпионаттың басқа қатысушыларының, атап айтқанда Франция, Бельгия, Люксембург, Нидерланды құрама командаларының ең жоғары сынамадағы наградалардың бірінен кейін бірі қазақстандықтардың қолына қарай кеткенде қалай абдырап қалғанын көз алдымызға елестету қиын емес.
Іс жүзінде 25, 50, 100, 200, 400 метрге барлық дерлік қашықтықтарда, сондай-ақ 4x100 метр эстафетада біз сөзсіз көшбасшылар болдық. Таң қалдырарлық болса да, бірақ бірнеше жыл ғана бұрын біздің қарсыластарымыз Қазақстанның не екенін: ел немесе қала екендігін білмейтін. Ал бүгін болса, әлемдік су астында жүзу спорты үшін Қазақстанның спорттың осы түріндегі сәнді заңдастырушылардың бірі екендігі айдан анық болып отыр. Бәрі де 1993 жылы Франциядағы әлем чемпионатында қазақстандық спортшы Георгий Панцулая бірінші алтын медальды жеңіп алған кезде басталған болатын. Содан бері Қазақстаннан келген су астында жүзуші спортшыларға деген қызығушылық айтарлықтай арта түсті. Бұл ретте осы жағдай, біздің жаттықтырушыларымыз басқа спортшылардың өтініші бойынша берген ұсыныстардан бастап, әртүрлі халықаралық сөрелерге жыл сайынғы шақырулармен аяқтай отырып, әртүрлі көрініс тапты.
Қазақстандық «амфибиялардың» әлем аренасындағы алға қарыштауы шын мәнінде немен байланысты болып отыр?
Біріншіден, спорттың осы бір түрінде су астында жүзудің кеңес мектебінің өкілдері әлі де болса сақталып қалған, олардың көпшілігі өздерінің жаттығу процесіне және спортшыларға егжей-тегжейлі ойластыра келуімен ерекшеленеді.
Екінші себеп, сірә, біршама бірегей. Оның мәнісі, су астында жүзу олимпиадалық спорт түріне жатпайды, сондықтан, сөз жоқ, суда жүзушілердің бүгінгі таңдағы жалғыз ғана ниеті оны тезірек Олимпиада бағдарламасына енгізу болып табылады. Бұған су астында жүзуді олимпиада отбасына енгізу қажеттігін дәлелдейтін прогресс пен жетістіктер туралы үнемі еске салып отырумен қол жеткізуге болады. Өткен жылы осы бір қиын істе елеулі қадам жасалды, атап айтқанда: осы спорт түрі дамыған 55 елдің өкілдері Грекия Ұлттық олимпиада комитетінің президентіне хат жолдады. Сөз су астында жүзуді Афиныдағы 2004 жылғы Олимпиада бағдарламасына қосу өтініші туралы болған еді.
Алайда, бұл әрекет табысқа әкелмеді, тіптен осында ұлттық командасы жалпы есепте екінші орын алған Грекия құрамасының тамаша өнер көрсетуі де көмектеспеді (бұған дейін осы ел су астында жүзуде аздаған адамға ғана белгілі болғандықтан, бұл факт сенсациялы деп есептеледі – Автордың ескертуі).
Осылайша, біздің суда жүзушілердің табыстары су астында жүзу үшін соншалықты маңызды сәтте белгілі бір роль ойнап шықты деп нық сеніммен айтуымызға болады. Мұның тамаша үлгісі болып осында Қазақстанның суда жүзушілері айқын фаворит болған Бельгияда өткен жарыстар қызмет етеді. Біздің команданың ең жасы үлкен мүшесі, 1984 жылы туылған Николай Югайдан (2001 жылғы Әлем кубогының жеңімпазы) бастап, 1990 жылы туылған, ең балғын «русалка» Настя Зиновьевамен аяқтай отырып, барлығы да үйлеріне қолдарына алтын ұстап қайтуға тырысып бақты. Нәтижесінде осылай болды да.
Осы жайында өзінің пікірін команданың бас жаттықтырушысы Юрий Сергеевич Куцель айтып өтті.
- Сөз жоқ, бұл балалардың жұлдызды сағаты болды. Қарсыластардың ешқайсысы да біздің командадан мұндай нәтижені күтпеген еді. Әсіресе Бельгия спортшылары абдырап қалды, өйткені бұл ел су астында жүзуге үкімет орасан зор көңіл бөлетін мемлекет емес пе. Бізде Қазақстанда жағдай басқаша қалыптасып отыр. Біз тек демеушілерге ғана үміт арта аламыз. Күнтізбеге сәйкес, жуық болашақта Әлем кубогының кезеңдері, Азия және Әлем чемпионаттары өтеді, ал біздің онда баратын-бармайтынымыз әзірге сұрақ болып отыр. Біз осыларға әбден лайықты болатын жерлерде медальдардан айырылсақ, өте ауыр болады.
Куцель Юрий. Қазақстандықтардың күтпеген табысы.//Рго. 2002 жылғы 23 сәуір.
Сканерден өткізілген нұсқасы
