Бұл салаға қалай келдіңіз, әрдайым дәл осы қызметпен айналысқыңыз келіп пе еді? 

Мен әрдайым өзімді саясаткер әйел және ірі халықаралық компанияның басшысы ретінде елестететінмін, әрдайым осыған ұмтылатынмын. Алайда, содан кейін махаббат пайда болды. Өзіңіз білетіндей, екі жастың бірін-бірі сүюі талмас қанат береді де, сен көкте самғап жүресің, ал көктен қарағанда өмірде қандай мәселе маңызды, одан да маңызды не бар, соның бәрі айқын көрініп тұрады. Сезімімнің жоғарылығынан мен өзімнің кім екенімді, мейірімді ана және қамқор әйел болудағы орнымды түсіндім, еліміздегі қоғамды жетілдірудегі өз орнымды түйсіндім. Бірлескен жобаларды жүзеге асыру барысында күйеуіме көмектесе отырып, өзімді кәсіби басқарушы ретінде қалыптастыруға бел будым. Өзіңнің орныңды және де отбасың мен қоғамға әкелер пайдаңды түсіну, өзіңді қалыптастыру шексіз күш-қуат пен серпін беретіндігі соншалықты, мен бірде-бір рет демалысқа шықпай оннан астам жыл жұмыс істедім, сонымен қатар мүлдем шаршап қажыған емеспін!   

Бұл салаға күйеуіміз екеуміз компанияны тиімді дамыту мен басқарудың әдістері ретінде танылған IR, GR және селфбрендинг сияқты су жаңа заманауи әдістерді зерттей отырып келдік.   

Сіздіңше, басшының бойында қандай сапалар болуы тиіс?  

Ол заманға сай болуы керек, яғни бизнесті, команданы, ресурстарды, қарым-қатынастарды және уақытты басқарудың тиімді құралдарын меңгеруі тиіс.  

Нарық пен қоғам үнемі даму үстінде болады, үнемі қандай да бір жаңа әрі үздік дүниелер пайда болып жатады. Осы «жаңа әрі үздік дүние» тұрғысынан ары қарай дамып, бәсекелестік артықшылыққа, содан кейін технологияға, содан кейін заманауи басқаруға қойылатын талапқа айналады. Осы деңгейде басшы «кадрларды қайдан тапсам екен», «... қарамастан» немесе «осылай болып қалды» деген сияқты факторларға қарамастан компанияның бәсекеге қабілеттілік технологиялылығы мен табыстылығын қамтамасыз ете алады.  

Бастық өзін селфбренд ретінде түйсініп, өзінің нарықтық құнын әрдайым арттырып отыруы тиіс. Өзінің беделі мен қызметкер, қоғам, бәсекелестер, клиенттер мен серіктестерге әсері – нарықтан «тыс» компанияның ең басты табыс ресурстарының және компанияны «іштен» басқару табыстылығының бір көзі екенін толығымен түсінуі керек. Білікті селфбрендингпен айналысатын басшы – компания акционерлерінің сенімін жүзеге асыруда барынша тиімділікке қол жеткізуге, компания қызметкерлерінің өз болашағына сенуіне (олардың кәсіби және тұлғалық өсуіне) және компания серіктестері мен клиенттеріне сенімділік беруге жағдай жасайтын жауапты тұлға.    
                         
Басшы болғанда қандай қиындықтар кездесті?  Көшбасшы ретінде сіз осы қиыншылықтарды қалай жеңіп шықтыңыз? Көшбасшы ретіндегі сіздің ерекше сапаларыңыз қандай?  

Жылдам бәрін меңгеру қажеттілігі. Бұл әрі күрделі, әрі рақатқа бөлейді. Теорияны біліп, бірақ тәжірибеде ұмытып қалу қаупі бар. Ал тәжірибе қателіктерді кешірмейді. Сен ол қателікті мәңгі сабақ етіп аласың және де осындай жағдайдан кейін сол саланы негіздеп тұрып меңгеріп аласың! Не істеу керектігін, қалай және кіммен істеу керектігін білсең, қиындық болмайды. «Ойлануға» кетіп қалмаған дұрыс, уақыт тауып жаңа басқару құралдарын үйреніп, жинақтаған құралдарыңның көмегімен талдау жасап, өзіңді, өзің құрып жатқаны жүйені тағы қалай жақсартуға болады деген сияқты мәселелерге талдау жасау қажет. Тағы бір ең маңызды нәрсе – жобаларды жүзеге асыру үшін кәсіпқойларды тартқан аса маңызды. Бәлкім, оларға артық төлеуге тура келеді, бірақ түпкілікті нәтиже әрдайым сізге пайда әкеледі.  
                                                     
Еркек басшылармен бәсекелесу қиын болды ма?  

Меніңше, кәсіпқойлар еркектер мен әйелдер деп бөлінбейтін сияқты, бұл бір, екіншіден, нағыз кәсіпқойлар сайма-сай және де бәсекелестікке емес, ынтымақтастыққа ұмтылады.  

Дүниеге үміт көзімен қарау оңайға түспеген сәттеріңіз болды ма? Әрі қарай қадам басуға не әсер етті?  

Әрине! Кәсіпқойлармен әрдайым жолың бола бермейді, кейде туындаған жағдайлар сәтсіз болады, кейде тәртіпсіздікті көрсететін келеңсіздіктерге ұшырайсың. Маған не әсер етеді дейсіз бе? Ол – болашақты көрсететін менің өз орнымды көруім. Мен сол болашақта өмір сүргім келеді, осының өзі күш-қуат беріп, қажетті адамдар мен жағдайларды тартып тұрады.  

Өмірлік ұстанымыңызды бір сөйлеммен өрнектей аласыз ба?  

Жан сұлулығын тән сұлулығына айналдыру.  

Кәсібіңіз қалайша тұлғаның дамуымен байланысты?  

Мен бастапқыда-ақ тұрақты әрі үздіксіз өсуді болжайтын бизнесті таңдадым. Күн сайын мақтауға тұратын және құрметке лайықты, еліміздің дамуына қомақты үлесіп қосып жатқан адамдармен тілдесемін. Көп нәрсені мен солардан үйренемін. Сондай-ақ біз оларға қалай даму керектігін үйретіп, өз орындарын табуға, тұлға бренді болуға көмектесеміз.  

Табысты адамды қандай талаптармен сипаттауға болады?  

Табысты адам – бұл өзінің орнын, дамуының қайталанбас, ерекше жолын тапқан адам.

Ализа Шайх. Өзіміз таңдайтын тағдыр.// Бизнес и власть, 02.11.2012