Гран-При иегерлері Шәймерден Қуанғанов, Қанат Маратов, Ілияс Қалқаманов (Алғашқы Президент мектебінің оқушылары) VIPlisting.biz Куәліктерімен марапатталды, бұл олардың Қазақстанның Инвестициялық-тартымды листингінің «Ұлттың болашағы» аталымына тіркелуге мүмкіндік береді.
Турнирдің басты міндеттері мыналар болып табылады:
- мектептің төменгі сыныбында оқитын математикадан дарынды оқушыларды айқындау, дамыту және қолдау;
- математика бойынша оқушылардың олимпиадалық құрамасын қалыптастыруға көмек көрсету;
- балалардың математика ғылымына деген танымдық қызығушылығын дамыту.
Турнирге қатысушылар:
Турнирге Астана, Алматы қалаларынан және республика облыстарынан 62 команда қатысты. Команданың құрамына үш оқушы енді: 2 сынып - 1 оқушы, 3 сынып – 1 оқушы, 4 сынып – 1 оқушы. Барлығы 186 төменгі сынып оқушылары және 100-ге жуық мұғалімдер мен ата-аналар қатысты.
Турнир 2010 жылдың 14-17 маусым аралығында Алматы қаласындағы О.Жәутіков атындағы Республикалық мамандандырылған физика-математикалық мектеп-интернатында (РМФММИ) өтті.
Турнирді үйлестіруші Ысқақова Әлия Ербалақызы – «Дарын» РҒПО-ның Алматы филиалының бастығы.
Әділ-қазылар алқасының құрамында математика және физика бойынша халықаралық олимпиадалардың жеңімпаздары әрі танымал педагогтар болды.
1. Досым Беспаев – Қазақстанды дамыту қорының басқарушы серіктесі.
2. Рүстем Медетов – 26 мемлекеттің арасында өткен математика бойынша Халықаралық олимпиаданың Алтын белгі иегері, Түркия/Анкара, 1996 ж.
3. Алпамыс Шұртабаев – Халықаралық олимпиада, Қола белгісінің иегері, Түркия/Кония, 1998 жыл.
4. Әрсен Шнашев – Республикалық олимпиада, Күміс белгі иегері, 1998 ж.
5. Мейрам Мырзаболатов - Халықаралық олимпиада, Қола белгісінің иегері, Ұлыбритания, 2002 ж.
6. Санжар Оразбаев - Халықаралық олимпиада, Қола белгісінің иегері, Испания, 2008 ж.
7. Ақдана Мұсаходжаева - Қола белгісінің иегері, Ғылыми жобалар бойынша халықаралық сайыс, Кипр, 2009 ж.
